Spegill spegill herm thu eftir mer

by alistair on January 28th, 2006

Sidast lidinn thridjudag, 24. januar, skilst mer ad hafi verid hreint magnadur pistill um World Social Forum i Speglinum eftir einhvern Alistair Tho ad mer hafi ekki tekist ad hlusta ad thad hedan ur thessu lelega netkaffihusi, tha er kannski haegt ad nalgast link hedan en annars bara i gegnum Ras 1 vefinn a www.ruv.is.

Flug heim annad kvold. Sveittar kvedjur fra Bamako.

20/04/06: lestin er farin. linkurinn dó.

Segou

by alistair on January 16th, 2006

Her er annar heimur. Moldargotur, hiti, rusl, litir, edlur, franska, asnar, markadir, mikil tonlist og mikil fataekt.

Enn a lifi.

Keflavík - London - Casablanca - Bamako

by alistair on January 14th, 2006

Jæja, þá er það Afríka. Tek á loft frá Keflavík klukkan 8:30 og stefni á Heathrow þar sem ég þarf að hangsa í fjóra tíma við að drekka bjór, lesa blöðin og snyrta nefhárin á almenningsalernum. Svo er það Royal Air Maroc til Casablanca þar sem ég hef ákveðið fara með þá fleygu orð: „I think this is the beginning of a beautiful friendship“ við hvern þann sem gengur næst mér frá flugvélinni. En Casablancabúar fá því miður ekki að njóta nærveru minnar nema í tvo tíma áður en ég læt mitt litla líf í hendur Royal Air Maroc á ný og flýg vestur til Bamako í Malí.

Víííííí! Það er svo gaman að ferðast.

Ábyrgð

by alistair on January 11th, 2006

Áskorun til blaðamanna, ritstjórnar og útgefenda DV

Andstaðan er mainstream

by alistair on January 8th, 2006

Í kvöld fylltist Laugardalshöllin vegna tónleika sem haldnir voru til að mótmæla virkjanastefnu stjórnvalda. Á meðan að ólíklegt sé að allir sem þangað mættu hafi verið harðir andstæðingar virkjanaframkvæmda tel ég óhætt að segja að sárafáir sem þarna voru hafi verið virkjanasinnar. Nú veit ég ekki nákvæmlega hvað Höllin tekur marga en hún var stútfull í kvöld og það eru a.m.k. 3000 manns, þó líklega fleiri, sem samsvarar 1% þjóðarinnar. Það hlýtur að vera lítið um hliðstæður þess konar mætingar á mótmælasamkomur í okkar samtíð.

World Social Forum 2006

by alistair on January 5th, 2006

Eins og fyrr sagði er ég á leið á World Social Forum 2006 í Malí, Vestur-Afríku, nú um miðjan mánuðinn. Ég fer út 14. janúar en samkoman stendur frá 19. - 23. janúar.

World Social Forum er mjög stór, fimm daga löng, alþjóðleg ráðstefna og samkoma félagshreyfinga, grasrótarsamtaka og annara frjálsra félagasamtaka þar sem alþjóðavæðingin og heimsmálin eru rædd á ótal fundum og samkomum. WSF var upphaflega hugsað sem mótvægi við World Economic Forum sem haldið er árlega á sama tíma í Davos í Sviss. Á síðustu árum hafa tugþúsundir frá öllum heimshornum mætt á WSF. Í ár er samkoman haldin á þremur stöðum með svæðisbundnum áherslum: í Caracas í Venesúela, í Karachi í Pakistan og í Bamako í Malí. Í Malí verður meðal annars rætt um stríð, alþjóðleg kvennréttindi, menningu, umhverfismál, alþjóðaviðskipti og uppsetningu alþjóðakerfisins. Þar að auki verður fjöldi uppákoma og menningarviðburða í borginni á meðan á samkomunni stendur.

Malí er eitt af tíu fátækustu ríkjum heims og er eitt þeirra ríkja sem nýlega fékk skuldum sínum við Alþjóðagjaldeyrisstofnunina aflétt vegna góðra stjórnunarhátta og stöðugleika. Landið er tólf sinnum stærra en Ísland að flatarmáli eða tvöfalt stærra en Frakkland. Fólksfjöldinn er þó álika og á Kúbu og litlu meiri en á Grikklandi. Malí hefur þurft að þola fjölmörg stríð, valdarán, einræði og mikla þurrka en hefur á síðasta áratug rétt úr kútnum og þar ríkir nú hæg uppbygging.

Nokkrar áhugaverðar síður:

• Vefsvæði WSF Mali
• Fréttatilkynning Alþjóðagjaldeyrirsstofnunarinnar
• Vefsvæði World Economic Forum
• Upplýsingar um Malí frá BBC